KUNA MATATIZO DAFTARI LA KUPIGIA KURA:UKAWA

Vyama vinavyounda umoja wa katiba ya wananchi UKAWA vimedai kubaini matatizo kadhaa kwenye daftari la kudumu la wapiga kura ikiwemo baadhi ya kadi za kupigia kura kuwa na picha za nyumba, pikipiki na maghala badala ya watu.

Akizungumza na wandishi wa habari jijini Dar es Salaam mkurugenzi wa kampeni na uchaguzi Bw Regnand Munisi amesema tume kuchelewa kutangaza idadi ya vituo vya kupigia kura kuwa viko wapi na vingapi kunawafanya washindwe kuandaa mawaka la mapema. 

Naye makamu mwenyekiti wa Chadema bara Prof Abdala Safari amesema kutokana na masuala mbalimbali yanayojitokeza hivi sasa ikiwemo serikali kuingilia kazi za tume ya uchaguzi na vitisho vinavyotolewa wanaiandikia jumuia ya kimataifa na mahakama ya kimataifa ya uhalifu ICC barua kuhusu suala la wananchi kupiga kura na kubaki mita mia mbili nje ya eneo la kituo cha kupigia kura mwanasheria wa chama hicho amesema.