ZANZIBAR KUTUMIA BILIONI 7.5 KWA AJILI YA UCHAGUZI.

Karatasi za kura za uchaguzi Zanzibar zinatarajiwa kuwasili kesho kutwa kutoka Afrika Kusini, tume ya uchaguzi Zanzibar-ZEC- imepanga kutumia shilingi bilioni 7.5 kwa ajili ya uchaguzi mkuu kwa Zanzibar.

Kauli hiyo imetolewa na mwenyekiti wa tume ya uchagzui ya Zanzibar Jecha Salim Jecha wakati akiongea na viongzoi wa vyama vya siasa  ambavyo vinashiriki katika uchaguzi mkuu kwa upande wa Zanzibar  ambapo amesema maandalizi yanaenda vizuri na hadi sasa wamepatiwa bilioni 2.5 huku  akitoa idadi yawapiga kura walioandikisha kwa ajili ya uchagzui na wapigakura 7743 wamefutwa.Akizungumzia utoaji wa matokeo ya urais mwenyekiti wa ZEC Jecha Slaim Jecha amesisitiza kuwa wasimamizi wa uchaguzi wa majimbo watatangaza matokeo ya uwakilishi na udiwani ya urais itabakia kuwa ni jukumu la tume ingawa matokeo hayo yataruhusiwa kubandikiwa ukutani.

 Nao badhi ya wagombea urais wa Zanzibar walitoa maoni yao kuhusu utaratibu wa tume kwenye kura za urais na uangalizi wa wapiga kura Seif Ali Iddi wa chama cha NRA alihoji tume kutangaza wao huku Kassim Bakari Alii wa Jahazi asilia alitaka utaratibu wa wangaalizi wa vyama uangaliwe.

Harakati za uchaguzi Zanzibar zimekuwa zikiendelea kwa kasi ambapo pamoja na kuwepo wagombea 14 wa urais ni CCM na CUF ndio wanaonekana kuchuana huku kwenye uwakilishi kuna wagombea 181 na udiwani 346.