Balozi KARUME: wazanzibari wana mamlaka kamili ya kuchagua kiongozi mzuri

Mjumbe  wa Halmashauri Kuu ya Taifa ya Chama Cha Mapinduzi -CCM  Balozi ALI ABEID KARUME amesema wazanzibari wana mamlaka kamili ya  kuchagua kiongozi mzuri wanaomtaka kuiongoza ZANZIBAR. 

Balozi KARUME ameyasema hayo katika kongamano la kujadili mwenendo wa kampeni ya uchaguzi mkuu 2015 lililoandaliwa na taasisi ya  NYUMBA YA HAMASA. 

Amesema mamlaka ya ZANZIBAR ilirudishwa  kwa  wazanzibari baada ya kuanzishwa kwa mfumo wa vyama vingi ambapo awali yalikuwa mikononi mwa Baraza la Kwanza la Mapinduzi. 

Naye kada wa Chama Cha Mapinduzi Balozi AMINA SALUM ALI amesema ni vema kwa vyama vya siasa kuweka wazi ilani za vyama vyao ili kuhakikisha wananchi wana uelewa wa kutosha kuhusu ilani hizo jambo ambalo litawasaidia kuchagua viongozi wanaofaa kuongoza nchi.

Wadau wa kongamano hilo  wamesema uundwaji wa serikali ya umoja wa kitaifa  kumesaidia kwa Zanzibar  kurejesha hali ya umoja , amani na utulivu