KINANA:"TUTAREKEBISHA SHERIA YA KUFANYA BIASHARA NCHI JIRANI"

Katibu Mkuu wa Chama Cha Mapinduzi -CCM ABDULRAHMAN KINANA ameendelea na kampeni za kumnadi mgombea urais kupitia chama hicho Dkt. JOHN MAGUFULI katika mikoa ya KATAVI na RUKWA ambapo pamoja na mambo mengine amesema serikali ya awamu ya tano itakayoundwa na CCM itarekebisha sheria kufanya biashara  na nchi jirani.

Akizungumza katika mikutano ya kampeni KINANA amesema sheria hizo ni za muda mrefu na hivyo zinapaswa kufanyiwa marekebisho ili kutoa haki ya msingi  kwa wakazi wanaoishi mikoa ya mipakani kutembeleana na ndugu zao pamoja na kutoa fursa ya kutumia mipaka kuimarisha biashara zao.

Amesema mara baada ya kuundwa serikali  ya awamu ya tano chini ya  CCM atamshauri Rais wa serikali hiyo Dkt. JOHN MAGUFULI kufuta sheria hiyo na kuruhusu wananchi hao badala ya kutumia hati ya kusafiria watumie vitambulisho vya kupigia kura kuvuka kwenda nchi jirani.

Akiwa mkoni KATAVI, KINANA amewaasa wakazi wa mkoa huo kutopiga kura kwa ushabiki na badala yake wamchague Dkt. MAGUFULI ili asimamie maendelo hasa katika mikoa na wilaya mpya