Maalim Seif aahidi kuondoa kero za maji na kuwalipa wananchi fidia wanazodai serikalini.

Mgombea urais wa Zanzibar kupitia chama cha wanannchi CUF Maalim Seif Sharif Hamad amewahakikishia wazanzibari endapo atapata ridhaa ya kuongoza atawaondoshea kero za maji na kuwalipa wananchi fidia ambazo wanadai serikalini.

Maalim Seif ametoa ahadi hiyo huko fumba wakati akiwahutibia wakazi wa majimbo manane ya wilaya ya magahribi ya kijitoupele, dimani, welezo na mwankwerekwe na wafuasi wa CUF ambao waliofika kumsikiliza mgombea huyo ambaye aliwahidi wakazi wa ukanda huo wa magahribi kuwaondoshea tatizo la maji ambalo wanalo kwa muda mrefu.

Aidha Maalim Seif ambaye pia ni makamu wa kwanza wa rais na katibu mkuu wa CUF taifa alisema katika harakati za kundeleza mjimpya wa fumba baadhi ya wananchi walipoteza ardhi na haki zao na kutolipwa fidia kwa mujibu wa sheria hivyo amewahidi kupitia upya madai ya wananchi hao na kuwalipa madai yao yote.

Katika mkutano huo wa kampeni za urais aliyekuwa waziri na kuwa kiongozi mwandamizi katika serikali za CCM zilizopita Mohamed Hashim Ismail amewataka wananchi kuwa makini na kura yao na kutoyumbishwa na madai ya CCM kuwa imeleta maendeleo.

Kampeni hizo za urais zinaingia katika wiki ya mwisho huku CCM na CUF zikiendelea na kampeni kila siku ambapo katika wiki hii ya mwisho kampeni hizo zimekuwa zikiwa unguja pekee.