NYERERE DAY/DEAR NYERERE.

Watanzania kwenye mitandao ya kijamii wamekuwa wakitumia kitambulisha mada #DearNyerere kumkumbuka mwanzilishi wa taifa hili Mwalimu Julius Kambarage Nyerere.Sikukuu ya Nyerere Dei huadhimishwa kila Oktoba 14 kukumbuka siku aliyofariki kiongozi huyu.Watanzania wamekuwa wakitumia vitambulisha mada kadha kueleza hisia zao kuhusu maono aliyokuwa nayo Mwl Nyerere wakati wa uhuru 1961 na hali ilivyo sasa. Mwandishi wetu pia amezungumza na baadhi ya wakazi ambao wanasema mengi ya maono ya Mwalimu Nyerere hayajatimia.Vitambulisha mada vingine vinavyotumiwa ni #NyerereDay #NyerereDaySpecial na #NyerereQuotes ambapo Watanzania wanakumbuka nukuu muhimu za kiongozi huyo.Mwalimu Nyerere alizaliwa Aprili 13, 1922 na akafariki Oktoba 14, 1999.Aliongoza Tanzania hadi alipostaafu 1985.Aliendelea kuwa mwenyekiti wa CCM hadi 1990. Alifariki kutokana na saratani aina ya leukemia akitibiwa London.