PINDA ayataka makampuni ya ujenzi kujenga magorofa

Waziri Mkuu, Mizengo Pinda akifungua pazia kuweka jiwe la msingi la ujenzi wa jengoa makazi na biashara la Cictoria Place linalojengwa na NHC katika eneo la Victoria jijini Dar es salam Octoba 20,2015. Kushoto ni Naibu Waziri wa Ardhi, Nyumba na Maendeleo ya Makazi, Angela kairuki na kushoto ni Mkurugenzi Mkuu wa NHC, Nehemia Mchechu

Waziri mkuu MIZENGO PINDA ameyataka mashirika na kampuni za ujenzi nchini kujenga nyumba za makazi zenye ghorofa ndefu ili watanzania wengi wapate fursa ya kupata nyumba. 

Akiweka jiwe la msingi la ujenzi wa nyumba za ghorofa pacha za Victoria place unaofanywa na shirika la nyumba – NHC- jijini DSM, PINDA amesema ujenzi shadidi unahusisha nyumba za gorofa ndefu ambao hutumia eneo dogo na hivyo hupunguza matumizi makubwa ya ardhi. 

Nae Mkurugenzi Mkuu wa NHC, NEHEMIA MCHECHU  amesema ujenzi wa nyumba hizo utagharimu shilingi bilioni 30.3 na utahusisha nyumba za makazi 88, eneo la kuegeshea magari na maduka makubwa.