Wazee na wasiojua kusoma na kuandika washindwa kutofautisha picha za wagombea Vijijini.

Wakati muda wa uchaguzi ukielekea ukingoni baadhi ya wazee na watu wasiojua kusoma na  kuandika  hasa wa maeneo ya vijijini wamebainika kushindwa kutofautisha picha  za  wagombea urais, ubunge  na udiwani zilizoko kwenye karatasi za kura jambo linaloweza kuwasababishia  washindwe  kuwachangua viongozi wanaowatarajia. 

Tatizo hilo limebainishwa na baadhi ya wagombea udiwani wa vyama vinavyounda (UKAWA) ambao wamesema pamoja na kutumia muda mwingi kuwaelimisha tatizo  hilo ni kubwa na elimu  zaidi  inahitajika na wameendelea kuwaomba watanzania kuona  umuhimu wa kufanya mabadiliko kwa  kumchagua Mh.Lowassa  kwani ndiye  mwenye  uwezo wa kumaliza  matatizo hayo.

Wananchi wanakabiliwa na tatizo la kutokujua kusoma na kuandika  wamesema limekuwa likiwasababishia kushindwa kutekeleza majukumu yao ipasavyo,kukosa,haki zao za msingi na kushindwa  kutunza siri zao.

Wakiwa katika maadhimisho ya juma la elimu ya watu wazima  mwanzoni mwa wiki viongozi wa idara ya  elimu  mkoa  wa Arusha  wamesema wanaendelea kupunguza idadi  ya watu  wasiojua  kusoma  na kuandika  kupitia mpango wa kupeleka huduma  ya elimu  katika  maeneo waliko na wanapofanyia  shughuli zao.

Arusha ni miongoni mwa mikoa  yenye idadi  kubwa ya  watu  wasiojua  kusoma na kuandika  ambapo kwa  mujibu wa sensa ya  mwaka  2012 kati ya watu 1,694,310  wanaojua  kusoma  na  kuandika  ni  1,372,391  na wasiojua  kusoma  ni  321,918  takwimu ambazo  hata  hivyo  zitakuwa  zimebadilika   katika  kipindi  hiki  cha kufuikia  mwaka  2015.